Neftçi SOCAR Yaponiyada 1/4 finala yüksəldi

3×3 basketbol üzrə “Neftçi SOCAR” komandası Dünya Qadın Seriyasının Yaponiyada keçirilən Takasaki mərhələsində uğurla çıxış edərək 1/4 finala yüksəlib. Azərbaycan təmsilçisi B qrupunun ikinci oyununda yerli “Takasaki” klubuna 13:14 hesabı ilə məğlub olsa da, növbəti mərhələyə vəsiqə qazanıb. Minval.info xəbər verir ki, “Ağ-qaralar” birinci qarşılaşmada Yaponiya millisini 15:14 hesabı ilə məğlub edib. “Neftçi” 1/4 finalda Tailand yığması ilə qarşılaşacaq.