OPEK+ çərçivəsində neft hasilatının azaldılmasına dair qərarın ilkin variantı artıq hazırdır.

RİA Novostinin öz mənbələrinə istinadən yaydığı xəbərə görə, bu barədə OPEK baş katibi Məhəmməd Burkindo məlumat verib.

Məlumatda hazırlanan sənədin gizliliyinin ciddi şəkildə qorunduğu qeyd olunur.

Baş katib bildirib ki, Rusiya və Səudiyyə Ərəbistanını barışdıracaq sazişin detalları axşam saatlarında bir daha müzakirə olunacaq.

Axşam saatlarında həmçinin Burkindonun hasilatın azaldılmasında iştirak edəcək digər dövlətlərlə də müzakirələri olacaq.