“Pandemiya ilə əlaqədar sosial sığorta yığımında azalma görəcəyik. Lakin 2017-ci ildə yaradılmış 200 milyon ehtiyat yastıq hesabına kompensasiya olunacaq”.

Musavat.com-un məlumatına görə, bu sözləri əmək və əhalinin sosial müdafiəsi naziri Sahil Babayev keçirdiyi mətbuat konfransında bildirib.

Nazir pensiyalarla bağlı söyləyib ki, aprelin 15-nə qədər bütün ölkə üzrə təqaüdlər ödəniləcək: “Ünvanlı sosial yardım ayın sonunda ediləcək ki, daha çox insanı əhatə etsin. Sosial xidmətçilərimiz ahıl insanlarımıza köməklik göstərəcək. Banklarla da razılaşdırmışıq, heç bir bank faiz tutmayacaq və istənilən bankdan pensiyaları almaq olar”.