NASA və Blue Origin Mars üçün güclərini birləşdirir

NASA, Mars missiyaları üçün yeni nəsil rabitə və naviqasiya şəbəkəsinin hazırlanması məqsədilə Jeff Bezosun rəhbərlik etdiyi “Blue Origin” şirkəti ilə əməkdaşlıq edəcək. Bu layihənin dəyəri 700 milyon dollar olaraq qiymətləndirilir.

Minval.info xəbər verir ki, bu şəbəkə Marsa göndəriləcək missiyalara yüksək sürətli rabitə və naviqasiya xidmətləri təqdim edəcək. NASA, peykin ən gec 31 dekabr 2028-ci ilə qədər hazır olmasını tələb edir və şəbəkənin 2030-cu il ətrafında fəaliyyətə başlaması planlaşdırılır.

Bu layihə, “Blue Origin”in fəaliyyət sahəsini raket və kosmik uçuşlardan kosmik infrastruktur sahəsinə genişləndirməsi baxımından da böyük əhəmiyyət daşıyır.

ƏLAQƏLİ

Bunu da oxu

Azərbaycan Rusiyadan buğda tədarükünü 4 dəfə artırıb

19.10.2026 - 14:03