Musa Musayev saxlanıldı

Mahaçqala meri Musa Musayev saxlanılıb.

Minval.İnfo-nun məlumatına görə, bu barədə “İnterfaks” agentliyi məlumatlı mənbəyə istinadən xəbər yayıb.

Musayev vəzifəsindən sui-istifadədə ittiham olunduğu bildirilir.

“O, Rusiya Cinayət-Prosessual Məcəlləsinin 91-ci maddəsi ilə saxlanılıb. Şübhəsiz ki, sabah mer bu maddə üzrə ittiham olunacaq və həbs ediləcək”, – deyə mənbə qeyd edib.

Minval.info-nun əldə etdiyi məlumata görə, Musa Musayev Dağıstan büdcəsinə 80 milyon rubl ziyan vurmaqda günahlandırılır. Belə ki, o, Mahaçqalada dövlətə məxsus 17,5 min kvadrat metr torpağın qiymətini 72 dəfə azaldaraq şəxsi mülkiyyətə verib. Dəyəri 81 milyon rubl olan torpaq sahəsi 1,1 milyon rubla satılıb. Beləliklə də İstintaq Komitəsi mer barədə istintaqa başlayıb.

Bu xəbəri paylaş:

Link yaddaşa kopyalandı!