Məktəblərdə təmir işləri sürətlə tamamlanır

Azərbaycanda 2026–2027-ci tədris ili ərəfəsində ümumi təhsil müəssisələrində genişmiqyaslı təmir-tikinti işləri davam etdirilir. Hazırda ölkə üzrə 862 məktəbdə bu işlər həyata keçirilir. Məktəbəqədər və Ümumi Təhsil üzrə Dövlət Agentliyindən verilən məlumata görə, artıq 450 məktəbdə təmir işləri tamamlanıb.

Minval.info xəbər verir ki, qalan 412 məktəbdə isə təmir-tikinti işlərinin yeni tədris ili başlanana qədər başa çatdırılması planlaşdırılır. Bu addımlar, təhsil müəssisələrinin daha müasir və təhlükəsiz şəraitdə fəaliyyət göstərməsinə imkan yaradacaq.