Masazırda sakinlərdən çoxmərtəbəli tikiliyə etiraz!

Abşeron rayonunun Masazır kəndində, Niyazi küçəsində sakinlər çoxmərtəbəli binanın tikintisindən narazıdırlar. Əvvəlcə üçmərtəbəli bina inşa ediləcəyi bildirilsə də, tikilinin mərtəbələrinin sayı sonradan artırılıb.

Minval.info xəbər verir ki, hazırda binanın altı mərtəbəsi inşa olunub və bu, sakinlər arasında narahatlıq yaradıb. Onlar tikilinin həyət evlərinə çox yaxın olmasından və ərazidə yolun dağıldığını, kanalizasiya xəttinin zədələndiyini, həmçinin əvvəllər ərazidə olan ağacların kəsildiyini iddia edirlər.

Tikinti aparan şirkətin mövqeyi öyrənilməyə çalışılsa da, özünü təqdim etməyən əməkdaş tikintinin hansı şirkətə aid olduğu barədə məlumat verməyib və tikintiyə icazə verən sənədlərin olub-olmaması barədə sualı cavabsız qoyub. Həmin şəxs şikayətçilərlə danışıldığını və onlara təzminat ödəniləcəyini bildirib.