Madriddə NATO-nun sammiti başlayıb

İspaniyanın paytaxtı Madrid şəhərində NATO-nun zirvə toplantısı başlayıb.

“Minval.info” “Report”a istinadən xəbər verir ki, toplantıda 30 ölkənin dövlət və hökumət başçısı iştirak edir.

Sammitdən əvvəl toplantı iştirakçıları xatirə fotosu çəkdirib.

Zirvə toplantısında Ukraynadakı vəziyyət və bu ölkəyə hərbi, maliyə və humanitar yardım məsələləri müzakirə olunur. Eyni zamanda Alyansın yeni strateji konsepsiyası qəbul ediləcək. Bundan başqa, Finlandiya və İsveçin NATO-ya üzvlüyü ilə bağlı müraciətinə də baxılacaq.