Mərkəzi Bankın baş direktoru istefa verdi

Mərkəzi Bankın baş direktoru Vüqar Əhmədov vəzifəsindən istefa verib. O, avqustun 28-dən etibarən öz ərizəsi əsasında işdən ayrılıb. Bu istefa ilə Mərkəzi Bankın baş direktorlarının sayı 10-dan 9-a enib.

Minval.info xəbər verir ki, Vüqar Əhmədov 2009-cu ildən Mərkəzi Bankda fəaliyyət göstərirdi. İlk olaraq, o, Mərkəzi Bankın Tədqiqatlar departamentinin İqtisadi tədqiqatlar və proqnozlaşdırma şöbəsinin rəisi vəzifəsinə təyin olunmuşdu. 2010-2013-cü illərdə Tədqiqatlar və İnkişaf Mərkəzinin Tədqiqatlar departamentinin direktor müavini və daha sonra həmin departamentin direktoru kimi çalışıb. 2013-2017-ci illərdə isə Tədqiqatlar və İnkişaf Mərkəzinin direktoru vəzifəsində fəaliyyət göstərib. 2017-ci ilin dekabr ayından etibarən Mərkəzi Bankın baş direktoru vəzifəsini icra edirdi.