"Mənim adımdan danışma..." - Paşinyan Boltona kobud reaksiya verdi

Ermənistan baş nazirinin səlahiyyətlərini icra edən Nikol Paşinyan ABŞ prezidentinin milli təhlükəsizlik müşaviri Con Boltonun Yerevana səfəri zamanı dediklərinə kobud reaksiya verib.

Minval.info Virtualaz.org-a istinadən bildirir ki, Paşinyan Boltonu onun adından danışmamağa çağırıb. Con Bolton bildirmişdi ki, Paşinyanın növbədənkənar seçkilərdə qalib gəlməsi Qarabağ münaqişəsinin nizamlanması baxımından qəti addımların atılması üçün yaxşı imkan yaradacaq.

“Hərə öz adından danışa bilər. Con Bolton və ya başqası Ermənistan baş nazirinin adından danışa bilməz”, – Nikol Paşinyan bu gün jurnalistlərə bildirib.

Ermənistan rəhbərinin fikrincə Dağlıq Qarabağ münaqişəsinin nizamlanması “Dağlıq Qarabağın və onun əhalisinin, Ermənistan xalqının iştirakı olmadan baş verə bilməz”.