“Mən onların planının qurbanı oldum” – Platini qayıdır

UEFA-nın sabiq prezidenti Mişel Platini yenidən futbola qayıtmaq niyyətindədir.

Qol.az “France Football”a istinadən xəbər verir ki, bu barədə 64 yaşlı fransalı funksionerin özü məlumat verib.

“Harada və necə olduğunu bilmirəm, amma futbola qayıdacağam. Bu axmaq cəzaya dayana bilmirəm. FİFA və İsveçrə prokurorluğunun adamlarının iştirak etdiyi bir planının qurbanı oldum. Ancaq bunun İsveçrə səlahiyyətliləri tərəfindən olduğunu demirəm. Bütün həqiqətlərin yer alacağı kitab yazmaq istəyirəm”, – deyə Platini vurğulayıb.

ƏLAQƏLİ

Bunu da oxu

Ronaldo cəzalandırılmasına belə reaksiya verdi

20.10.2026 - 10:24

Qeyd edək ki, Mişel Platini UEFA-ya 2007-2015-ci illərdə rəhbərlik edib. 2015-ci il oktyabrın 8-də FIFA Etika Komitəsinin Arbitraj Palatası onu 90 gün müddətinə vəzifəsindən kənarlaşdırıb. Dekabrın 21-də isə Platini 8 il müddətinə diskvalifikasiyaya məruz qalıb. Lakin 2016-cı ilin mayında cəza 4 ilə enib. Onun cəzası bu ilin oktyabrında başa çatır.