Əməkdar artist gileyləndi: "190 manatla dolanıram"
Əməkdar artist Arzu Hüseynov işsizdir.
Bu barədə aktyor özü danışıb. O bildirib ki, bir neçə ildir 190 manat təqaüdlə dolanmaq məcburiyyətindədir:
“Heç yerdən təklif yoxdur. Gözümün birində problem olduğu üçün 190 manat təqaüd alıram. Elə o təqaüdlə dolanırıq. Vəziyyət çox pisdir. Əlavə gəlir yerim olmadığına görə təqaüdün ümidinə qalmışam”.
Əməkdar artist onu da qeyd edib ki, ARB-də yayımlanan “Anam, bacım rus gəlin” serialına təsdiqlənsə də, son anda sponsor dəyişikliyi olduğu üçün başqa aktyor dəvət edilib:
“Rejissor Şəhriyar Zeyni məni rola təsdiqləmişdi. Sonradan sponsor dəyişikliyi oldu və onlar Musiqili Teatrın aktyoru Məhərrəm Qurbanovun çəkilməsini istədilər. Çox sevinclə, həyəcanla hazırlaşırdım. Çünki uzun fasilədən sonra çəkiliş meydançasına qayıdırdım. Ancaq çəkilməyəcəyimi öyrənəndə çox pis oldum, səhərə qədər yatmadım. Düşünürdüm ki, həm yeni rola çəkiləcəyəm, həm də müəyyən qədər qonorar alacağam”.
Xatırladaq ki, Arzu Hüseynov mərhum əməkdar artist Sadıq Hüseynovun oğludur. Ölkə.Az
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
"Həmin gündən düz 47 il keçdi" - Fotolar
Rəşidə Behbudova ailə səadətini paylaşdı: İzləyicilər heyran qaldı
Azərbaycanlı professor türk dünyasının nüfuzlu elm mükafatına layiq görüldü
Flora Kərimovanın nəvəsi evlənir: Xalq artistindən duyğusal təbrik
Fəxrəddin Manafovun həyat hekayəsi: Futboldan kinoya uzanan yol
Cahangir Novruzovun Nəsibə Neynalova ilə unudulmaz mübahisəsi
