24 yaşlı hamilənin abortunu hansı klinika və həkim edib?

24 yaşlı Lalə Quliyevanın hamiləliyini sonlandırdıqdan sonra vəfat etməsi ilə bağlı müəmmalı vəziyyət davam edir. Rəsmi məlumatlara görə, Lalə Quliyeva Sabunçu Tibb Mərkəzinə artıq ölmüş vəziyyətdə gətirilib. Lakin onun hansı tibb müəssisəsində hamiləliyini sonlandırdığı hələ də açıqlanmayıb.

Minval.info xəbər verir ki, əldə edilən məlumatlara əsasən, qadının hamiləliyi TƏBİB-in tabeliyində olmayan özəl tibb müəssisələrindən birində sonlandırılıb. Daha sonra evə aparılan qadında güclü qanaxma baş verib və nəticədə həyatını itirib. Təcili tibbi yardım vasitəsilə Sabunçu Tibb Mərkəzinə çatdırılan qadının artıq həyatını itirdiyi müəyyən edilib.

Bu hadisə ilə bağlı rəsmi qurumlar tərəfindən hələ də hansı klinikada və hansı həkim tərəfindən abort edildiyi açıqlanmır.