Milli Məclisin iclasında çıxış edən komitə sədri Musa Quliyev dünən Əmək və Əhalinin Sosial Müdafiəsi Nazirliyinin çox vacib sosial humanist missiyaya start verdiyini – “Məşğulluq Marafonu”na başladığını bildirib.

Musavat.com xəbər verir ki, deputat bu gün Azərbaycanda minlərlə sahibkarlıq subyektinin, dövlət qurumunun olduğunu əsas gətirərək çox vacib müraciət edib:

“Hər müəssisə 2-3 şəhid ailəsi, Qarabağ qazisini işə götürərsə, şəhid ailələri və Qarabağ qazilərin işsizliyi ilə bağlı problem həllini tapar. Mən nazirlik və komitə rəhbərlərinə, Azərbaycanda fəaliyyət göstərən iş adamlarına, Türkiyə-Aazərbaycan İş Adamları Birliyinə, Azərbaycan-Almaniya, Azərbaycan-ABŞ ticarət palatalarına, millət vəkillərinə müraciət edirəm: gəlin hamımız bu prosesə, bu təşəbbüsə dəstək verək! Onlar bizim hər birimiz uğrunda şəhid olublar, sağlamlıqlarını qurban veriblər. Marafon ilin sonunadək davam edəcək, hər birinizi bu marafona qoşulmağa dəvət edirəm”.