Kolleclərə qəbulun nəticələri açıqlandı: 1818 abituriyent uğur qazandı

Orta ixtisas təhsili müəssisələrinə boş qalan plan yerlərinə qəbulun nəticələri açıqlanıb. Dövlət İmtahan Mərkəzi (DİM) bu barədə rəsmi məlumat yayıb.

Minval.info xəbər verir ki, abituriyentlər müsabiqənin nəticələrini DİM-in internet səhifəsindən və ya “iş nömrəsi” və “7 rəqəmli kod”u 7727-yə göndərməklə öyrənə bilərlər. Bu il 2393 abituriyent ixtisas seçimində iştirak edib və onlardan 1818-i qəbul olunub.

Qəbul olunan abituriyentlərin siyahısı “Abituriyent” jurnalının xüsusi buraxılışında dərc olunacaq. Jurnalın elektron versiyası gün ərzində www.abiturient.az saytında yerləşdiriləcək və ödənişlə əldə etmək mümkündür.

ƏLAQƏLİ

Bunu da oxu

İran Məkkə Sazişinə qoşulmaq istəyir: Pezeşkian nəyi hədəfləyir

28.09.2026 - 19:48

Qəbul olunanların qeydiyyatı yalnız my.gov.az portalı vasitəsilə həyata keçiriləcək. Elm və Təhsil Nazirliyinin müvafiq xidməti “mygov” platformasında istifadəyə verilib. Qeydiyyat 30 sentyabr saat 15:00-dan 5 oktyabr saat 18:00-dək davam edəcək.

Abituriyentlər qeydiyyat üçün mygov ID vasitəsilə portala daxil olmalı, “Xidmətlər” bölməsindən Elm və Təhsil Nazirliyini seçərək “Ali və orta ixtisas təhsil müəssisələrinə təhsilalanların qeydiyyatı” xidmətinə keçid etməlidirlər. Müəyyən olunmuş müddətdə qeydiyyatdan keçməyənlər qəbul hüququndan imtina etmiş sayılacaq.