KOBİA daxili bazarda 10 yeni araşdırma aparacaq

İqtisadiyyat Nazirliyinin tabeliyində fəaliyyət göstərən Kiçik və Orta Biznesin İnkişafı Agentliyi (KOBİA) 10 müxtəlif istiqamətdə daxili bazar araşdırmalarının aparılmasını planlaşdırır. Bu təşəbbüs, sahibkarların investisiya qərarlarının dəstəklənməsi, perspektivli istehsal sahələri haqqında məlumatlılığın artırılması və yeni biznes təşəbbüslərinin formalaşmasına töhfə vermək məqsədi daşıyır.

Minval.info xəbər verir ki, araşdırmalar aşağıdakı sahələri əhatə edəcək: dəri ayaqqabıların istehsalı, perlit tərkibli inşaat məhsulları istehsalı, dializ aparatı üçün filtr istehsalı, məişət avadanlıqlarının yığımı, saxsı (keramik) sanitar məmulatlar istehsalı, vertikal əkinçilik (qiymətli bitkilərin yetişdirilməsi) və Azərbaycanda elektromobil batareyalarının istehsal potensialı və daxili bazar tələbatının qiymətləndirilməsi.