Kibercinayətkarlar Azərbaycanda: DTX-nin əməliyyatı ilə şəbəkə ifşa olunur

Dövlət Təhlükəsizliyi Xidməti (DTX), beynəlxalq kibercinayətkar şəbəkələrin Azərbaycana qarşı qanunsuz fəaliyyətlərinin qarşısını almaq üçün tədbirlər görür. Bu şəbəkələr, xarici vətəndaşların rəhbərliyi altında, xüsusi kompüter proqramları vasitəsilə dövlət qurumlarının və təşkilatların rəsmi internet səhifələrindən əməkdaşların əlaqə nömrələrini kütləvi şəkildə əldə edirlər.

Minval.info xəbər verir ki, bu nömrələrə, müvafiq qurumların rəhbər şəxslərinin fotoşəkillərindən istifadə edərək yaradılmış saxta hesablardan “WhatsApp” tətbiqi vasitəsilə “təcili” mesajlar göndərilir. Bu mesajlar vasitəsilə hüquq-mühafizə orqanları adından fəaliyyət göstərən digər saxta hesablara yönləndirilərək, xarici hesablara pul vəsaitinin köçürülməsi və ya digər tapşırıqlar verilir.

DTX-nin həyata keçirdiyi əməliyyat-istintaq tədbirləri nəticəsində bəzi cinayətkarlar müəyyən edilib və onlara qarşı beynəlxalq hüquqi prosedurlar başladılıb. Xarici dövlətlərin aidiyyəti orqanları və beynəlxalq texnologiya şirkətlərinin təhlükəsizlik bölmələri ilə birgə, cinayətkar şəbəkə üzvlərinin tam ifşa olunması istiqamətində kompleks tədbirlər davam etdirilir.

ƏLAQƏLİ

Bunu da oxu

Bakıda bıçaqlama hadisəsi: Prokuror namiq şirinliyə ağır cəza tələb etdi

10.08.2026 - 19:47

DTX, Azərbaycan vətəndaşlarını sosial şəbəkələr və ani mesajlaşma platformaları üzərindən qurulan şübhəli əlaqələrə qarşı diqqətli olmağa və dövlət orqanlarını vaxtında məlumatlandırmağa çağırır.