Karantin rejiminin bitməsini restoranda bayram edən şəxslər cərimələnib

Sosial şəbəkələrdə paytaxtın Nizami rayonunda yerləşən “Muğam ocağı” restoranında təşkil olunan şənliyin görüntüləri yayılıb.

DİN-in Mətbuat Xidmətindən “Minval”a verilən məlumata görə, yayılan videogörüntülər araşdırılaraq obyektin icarədarı, tədbirin təşkilatçıları və iştirakaçıları müəyyən olunub, müvafiq polis orqanına dəvət olunaraq inzibati məsuliyyətə cəlb olunublar.

Bildirilib ki, fevralın 2-də xüsusi karantin rejim qaydalarını pozaraq ətriyyat şirkətlərindən birinin bir qrup əməkdaşı toplaşaraq “karantin rejiminin bitməsi bayramı” adı altında şənlik keçiriblər.

Təxribat cəhdlərinin heç bir nəticəsi olmayacaq – Partiya sədrindən sərt mövqe

ƏLAQƏLİ

Bunu da oxu

Təxribat cəhdlərinin heç bir nəticəsi olmayacaq – Partiya sədrindən sərt mövqe

15.10.2026 - 01:43

Restoranın icarədarı və xidmət personalı ilə profilaktik söhbətlər aparılıb, karantin qaydalarına əməl etməyin vacibliyi onların diqqətinə çatdırılıb. Ümumilikdə 15 nəfər barəsində İnzibati Xətalar Məcəlləsinin 211-ci maddəsi ilə (Epidemiya əleyhinə rejimin, sanitariya-gigiyena və karantin rejimlərinin pozulmasına görə) protokol tərtib edilib. Qanunvericiliyə uyğun olaraq obyektin icarədarı 4 000 manat, digərləri barəsində 200 manat məbləğində inzibati tənbeh tədbirləri tətbiq olunub.

Bu xəbəri paylaş:

Link yaddaşa kopyalandı!