Kadırovdan saqqal və qısa şalvar qadağası!

Çeçenistanın rəhbəri Ramzan Kadırov, regionun güc strukturlarının rəhbərləri ilə keçirdiyi iclasda kişilərin uzun saqqal saxlaması və qısa şalvar geyinməsini tənqid edib. O, bu cür geyim tərzinin gənclər arasında yanlış meyllər yaratdığını bildirib.

Minval.info xəbər verir ki, Kadırov, uzun saqqal saxlayanların əksəriyyətinin cümə namazlarına və məscidlərə getmədiyini, əksinə küçələrdə vaxt keçirərək avaraçılıqla məşğul olduqlarını qeyd edib. O, həmçinin çadra geyinməyə başlayan çeçen qadınlarına da müraciət edərək, milli və dini dəyərlərə uyğun geyinməyə çağırıb. Kadırov, Çeçenistanda çadra örtmək ənənəsinin olmadığını vurğulayıb.

Konfliktoloq Üzeyir Şəfiyev, Kadırovun bu bəyanatının ənənəvi çeçen cəmiyyətinin davamlılığının qorunmasına yönəldiyini bildirib. O, gənclərin dini mahiyyətdən irəli gələrək geyinməsini, bunu dəb halına gətirməmələrini istəyir. Bu çağırışla milli kimliyi və ənənəvi cəmiyyəti qoruyub saxlamaq məqsədi güdür.