Kəndlər boşalır: Bakıya köçün səbəbləri nədir?

Son dövrlərdə mətbuatda tez-tez xarici ölkələrdə 1 avroya və ya 1 dollara evlərin satıldığı xəbərlərinə rast gəlirik. Bu cür xəbərlərdən biri də İtaliyanın Siciliya adasındakı Naro şəhərində tərk edilmiş evlərin 1 avroya satışa çıxarılması ilə bağlıdır. Bu addımın məqsədi yeni sakinlər cəlb etməkdir.

Minval.info xəbər verir ki, iqtisadçı Natiq Cəfərli bu barədə açıqlama verib. Onun sözlərinə görə, bu cür ucuz evlər həm İtaliya vətəndaşları, həm də xaricilər üçün əlçatandır. Lakin bu evlər əsasən təmirə ehtiyacı olan və ciddi bərpa işləri tələb edən əmlaklardır. Alıcılar evlərin təmir və yenidənqurma xərclərini özləri qarşılamalıdırlar.

Bu cür evlərin ucuz qiymətə satılmasının səbəbi, kiçik kənd və qəsəbələrin sürətlə boşalmasıdır. Əhali böyük şəhərlərə köç edir və aqrar sahədə işləmək istəyənlərin sayı azalır. Buna görə də dövlətlər şəhərlərdən kəndlərə köçənlərə güzəştlər, faizsiz kreditlər və digər dəstəklər təklif edir.

ƏLAQƏLİ

Bunu da oxu

Bağça uşağında psixotrop dərman şoku!

01.09.2026 - 17:30

Azərbaycanda da oxşar proseslər müşahidə olunur. Kəndlər boşalır və əhali əsasən Bakıya köç edir. Bu, yalnız iqtisadi səbəblərlə izah olunmur; kəndlərdə mədəni həyatın və əyləncənin olmaması, biznes üçün şəraitin zəif olması da təsir edir. Dövlət və cəmiyyət olaraq, şəhərdən kəndə köçmək istəyənlərə xüsusi dəstək göstərilməlidir. Kəndlərdə yaşayanlar kommunal xidmətlərə şəhərə nisbətən daha az ödəniş etməli və istehsal sahəsi yaratmaq istəyənlər üçün texniki şərtlər və xidmətlər pulsuz olmalıdır.

Əks halda, 15-20 il sonra boşalmış kəndlər və rayonlarla qarşılaşa bilərik. Hazırda ölkə əhalisinin yarısı Abşeronda yaşayır və bu tendensiya davam edərsə, 20 ildən sonra bu rəqəm 80%-ə çata bilər.