İsrail Trampın sülh planına şübhə ilə yanaşır

ABŞ prezidenti Donald Trampın təqdim etdiyi Qəzza üzrə sülh planı İsraildə skeptik yanaşma ilə qarşılanır.

Minval.info xəbər verir ki, bu barədə “The Hill” nəşri amerikalı diplomatik mənbələrə istinadən məlumat yayıb.

Məlumatda bildirilir ki, Tramp ABŞ-ın təşəbbüsü ilə yaradılmış Sülh Şurasının HƏMAS-ın tam silahsızlaşdırılması və İsrail ordusunun Qəzzadan çıxarılması ilə bağlı razılıq əldə etdiyini açıqlasa da, İsrail rəhbərliyi HƏMAS-ın bu öhdəliyi yerinə yetirəcəyinə inanmır.

ƏLAQƏLİ

Bunu da oxu

Səudiyyə Ərəbistanında dörd şəhərdə fövqəladə vəziyyət!

14.09.2026 - 10:21

Mənbələrdən biri qeyd edib ki, burada söhbət qarşılıqlı etimaddan deyil, konkret şərtlərə əsaslanan razılaşmadan gedir. Onun sözlərinə görə, proses irəlilədikcə bütün tərəflər üzərlərinə götürdükləri öhdəlikləri yerinə yetirməlidirlər.

“The Jerusalem Post” isə yazır ki, İsrail rəhbərliyi narahatlığını Sülh Şurasını təmsil edən Böyük Britaniyanın keçmiş baş naziri Toni Bleyerə çatdırıb.

Hazırda danışıqların davam etdiyi bildirilir. ABŞ-ın iştirakı ilə yaradılan Sülh Şurası tərəflər arasında vasitəçi rolunu oynayır.

ƏLAQƏLİ

Bunu da oxu

Revolut müştəri məlumatları dələduzların hədəfində

13.09.2026 - 23:02

Xatırladaq ki, 2026-cı ilin iyununda HƏMAS-ın silahsızlaşdırılması ilə bağlı oxşar müzakirələr Misirin vasitəçiliyi ilə aparılmışdı. İyul ayında isə ABŞ və Qətər Qəzzada vəziyyətin sabitləşdirilməsi istiqamətində diplomatik səylərini artırmışdı.

Minval.info