İsrailin müdafiə naziri İrana gözdağı verdi: “Dağıdıcı cavab verəcəyik”

İsrailin müdafiə naziri İrana gözdağı verdi: "Dağıdıcı cavab verəcəyik"

İsrailin müdafiə naziri İsrael Kats, İranın potensial hücumlarına qarşı ciddi xəbərdarlıq edib. Nazir, İranın İsrailə hər hansı bir hücumunun ağır nəticələr doğuracağını vurğulayıb.

Minval.info xəbər verir ki, İsrael Kats yerli mətbuata verdiyi açıqlamada, İranın İsrailə qarşı hər hansı bir təcavüzkar addım atacağı təqdirdə, bunun qarşılığında ciddi zərbələr alacağını bildirib. “İran İsrailə hücum edərsə, dağıdıcı cavab alacaq və onlar bunu çox yaxşı bilirlər”, – deyə nazir qeyd edib.

Müdafiə naziri həmçinin, İsrail ordusunun nailiyyətlərinin yerli media tərəfindən kifayət qədər işıqlandırılmadığını iddia edib. O, hökumətin hərbi əməliyyatların nəticələri ilə bağlı ictimaiyyəti məlumatlandırmağa davam edəcəyini bildirib. Kats, İsrailin uğurları arasında İranın ali rəhbəri Ayətullah Əli Xamenei və digər yüksək vəzifəli iranlı rəsmilərin zərərsizləşdirilməsini də vurğulayıb.