İş yoldaşının hesabına girib 6 min pul çıxardı - BAKIDA ŞOK DƏLƏDUZLUQ

Bakının Səbail rayonunda dələduzluqda şübhəli bilinən 26 yaşlı şəxs polis əməkdaşları tərəfindən saxlanılıb.

Minval.info xəbər verir ki, aparılan araşdırmalar nəticəsində onun iş yoldaşının bank hesabından təxminən 6 min manatı qanunsuz ələ keçirdiyi müəyyən edilib.

İlkin məlumata görə, şübhəli şəxs bir neçə dəfə iş yoldaşına mobil tətbiq vasitəsilə pul köçürməkdə kömək edib. Bu zaman o, zərərçəkmişin şəxsi məlumatlarını tətbiqdə saxlayaraq sonradan həmin hesabdan hissə-hissə pul çıxarıb.

Beləliklə, zərərçəkmişə ümumilikdə 6 min manata yaxın maddi ziyan vurulduğu bildirilir.

Faktla bağlı araşdırma davam etdirilir.