İranın Gilan əyalətinin Lahican şəhər xəstəxanasında koronavirusa yoluxduğu güman edilən tibb bacısı ölüb.

“Report” İranın ILNA xəbər agentliyinə istinadən xəbər verir ki, Nərgiz Xanəlizadənin 25 yaşında olduğu və 4 ildir xəstəxanada tibb bacısı işləyədiyi qeyd olunub.

Onun koronavirus infeksiyasından öldüyü bildirilsə də, testin nəticəsi hələlik dəqiq məlum deyil.

Xatırladaq ki, İran Səhiyyə Nazirliyi ölkədə koronavirus infeksiyasından ölənlərin sayının 15, yoluxanların sayının isə 95 nəfər olduğunu açıqlayıb.