İrana quru əməliyyatı ehtimalı ilə bağlı iddialar güclənir

ABŞ-nin İranın cənub bölgələrinə endirdiyi son zərbələrin hədəfləri yeni müzakirələrə səbəb olub.

Minval.info xəbər verir ki, bəzi hərbi analitiklər hücumların mümkün quru əməliyyatına hazırlıq əlaməti ola biləcəyini istisna etmirlər.

İddialara əsasən, zərbələr əsasən körpülər, tunellər, dəmir yolu xətləri, eləcə də limanlara və hərbi dəniz bazalarına gedən nəqliyyat marşrutlarını hədəf alıb.

Ekspertlərin fikrincə, bu cür hücumlar canlı qüvvənin, hərbi texnikanın və sursatın İranın cənub sahillərinə daşınmasını çətinləşdirə, eyni zamanda mümkün sonrakı hərbi əməliyyatlar üçün əlverişli şərait yarada bilər.

Bununla belə, hazırda ABŞ və ya digər tərəflər tərəfindən İrana qarşı quru əməliyyatının planlaşdırıldığına dair rəsmi təsdiq yoxdur. Mövcud məlumatlar əsasən hərbi analitiklərin qiymətləndirmələri və açıq mənbələrdə yayılan müşahidələrə əsaslanır.