İran Britaniyanın hərbi bazalarını hədəf almaqla hədələdi

İran ABŞ aviasiyasının növbəti hücumundan sonra Böyük Britaniyanın hərbi obyektlərinə zərbə endirə biləcəyi ilə bağlı xəbərdarlıq edib.

Minval.info xəbər verir ki, Tehran bu barədə yaydığı bəyanatda Böyük Britaniyanın Qlosterşir qraflığında yerləşən RAF Fairford hərbi bazasını xüsusi qeyd edib.

İran tərəfinin iddiasına görə, ABŞ-ın B-1 strateji bombardmançı təyyarələrindən biri məhz həmin bazadan havaya qalxaraq İran ərazisinə qarşı əməliyyatda iştirak edib.

Bəyanatda bildirilib ki, İran ərazisinə hücumların həyata keçirilməsi üçün istifadə olunan istənilən hərbi baza Tehran tərəfindən qanuni hədəf kimi qiymətləndiriləcək.

Bu iddialarla bağlı Böyük Britaniya və ya ABŞ tərəfindən hələlik rəsmi açıqlama verilməyib.