İran ABŞ sanksiyalarını “iqtisadi terrorizm” adlandırdı

İran ABŞ sanksiyalarını "iqtisadi terrorizm" adlandırdı

İran Xarici İşlər Nazirliyi ABŞ-nin ölkəyə qarşı tətbiq etdiyi yeni və genişmiqyaslı sanksiyaları kəskin şəkildə tənqid edərək, bu addımı “iqtisadi terrorizm” və “insanlığa qarşı cinayət” kimi qiymətləndirib.

Minval.info xəbər verir ki, nazirliyin açıqlamasında sanksiyaların İran vətəndaşlarının əsas insan hüquqlarını hədəf aldığı vurğulanıb. Açıqlamada həmçinin qeyd olunur ki, ABŞ-nin yeni sanksiyaları 1953-cü ildə İranda ABŞ və Böyük Britaniyanın müdaxiləsi ilə həyata keçirilən çevrilişin ildönümünə təsadüf edir.

İran tərəfi bu addımı Vaşinqtonun İran xalqına qarşı uzunmüddətli düşmənçiliyinin davamı kimi dəyərləndirib. Nazirlik, həmçinin ABŞ və İsrailin İrana qarşı son dövrdə həyata keçirdiyi hərbi və siyasi təzyiqlərin nəticəsiz qaldığını bildirib.