İrəvan təsdiqlədi: Azərbaycan əsir və meyitlərin bir qismini təhvil verib

Rəsmi irəvan Azərbaycanın erməni əsirlərini və meyitləri birtərəfli qaydada təhvil verdiyi barədə məlumatı təsdiqləyib.

Musavat.com bununla bağlı erməni mediasına istinasdən xəbər verir. Məlumatda deyilir ki, Azərbaycan tərəf Ermənistana 30-a yaxın erməni əsgər və zabitlərinin meyitini təhvil verib. Meyitlər Ermənistanın Tavuş vilayətinin Ayqepar kəndi istiqamətindən ermənilərə verilib. İşğaçı ölkənin güc strukturlarından bildirilib ki, Azərbaycan ordusu tərəfindən Hadrutda əsir götürülmüş 85 yaşlı Yevgeniya Babayan da Ermənistana təhvil verilib.

Yataq xəstəsi olan Mişa Melkumyanın isə həmin istiqamətdən təhvil verilməsi mümkün olmadığından o, Gürcüstan ərazisi vasitəsilə Ermənistana verilib.

Qeyd edək ki, bir az əvvəl Prezident köməkçisi Hikmət Hacıyev Azərbaycanın erməni meyitlərinin bir hissəsini qarşı tərəfə təhvil verdiyini açıqlamışdı.