Influencer reklamlarında yeni dövr: Yalanlar ifşa olunur

Son illərdə Fransa influencer reklamlarına ciddi məhdudiyyətlər tətbiq edib. Artıq bəzi hallarda “reklamdır” ifadəsi kifayət etmir. Sağlamlıq üçün risk yarada biləcək estetik prosedurların və cərrahi müdaxilələrin influencerlər vasitəsilə tanıdılması qadağan edilib. Reklamda üz və ya bədən rəqəmsal olaraq dəyişdirilibsə, “retuş edilmiş görüntü” və ya süni intellektlə yaradılıbsa, “virtual görüntü” olduğu bildirilməlidir.

Minval.info xəbər verir ki, Yaponiya 2023-cü ildən etibarən reklamı şəxsi fikir kimi gizlədən “stealth marketing”i qanun pozuntusu elan edib. Avropa İttifaqının 576 influencer hesabında apardığı yoxlamalar göstərdi ki, yoxlanılanların 97 faizi kommersiya məzmunu yayımlayır, lakin yalnız 20 faizi bunu sistemli şəkildə reklam kimi göstərir. Hesabların 62 faizi əlavə araşdırmaya göndərilib.

Dövlətlərin influencerlərlə bu qədər ciddi maraqlanmasının səbəbi reklam bazarında yaranan paradoksdur. Gerçək dünyada reklamın təsirini ölçmək asan olsa da, rəqəmsal dünyada hər şeyin ölçülə biləcəyi düşünülür, lakin əslində nəyin gerçək olduğunu anlamaq çətinləşib. Rəqəmsal reklamın böyük ironiyası da budur: ölçülə bildiyi üçün ona güvənirik, amma ölçü vahidlərinin manipulyasiya oluna biləcəyini gec anlayırıq.

ƏLAQƏLİ

Bunu da oxu

Bakıda kişi ət tikəsindən boğulub öldü

28.08.2026 - 15:23

ABŞ-da Federal Ticarət Komissiyasının araşdırdığı “Devumi işi” rəqəmsal reklam bazarındakı saxtakarlığın miqyasını ortaya qoydu. Şirkət saxta izləyici, abunəçi və baxış sataraq insanların və şirkətlərin gerçək təsir gücü haqqında yanlış təsəvvür yaradırdı. Bu göstəricilər şirkətlərin kimlə işləməsi, istehlakçının kimə etibar etməsi və reklamverənin kimə pul ödəməsi qərarına təsir edir.

Azərbaycan üçün də bu məsələlər narahatlıq doğurur. 2025-ci ildən etibarən qanunvericilik “rəqəmsal platforma təsirçisi” anlayışını tanıyır və kommersiya reklamının “reklam”, “sponsorluq” və ya “tərəfdaşlıq” kimi göstərilməsini tələb edir. Lakin problem qanunun ekrandan ekrana keçəndə tətbiq gücünün dəyişməsidir. Qanunsuz qumar reklamını billboardda yerləşdirmək olmazsa, TikTok videosunda niyə daha asan görünə bilir? Bu sualların cavabları rəqəmsal reklamın gələcəyini müəyyən edəcək.