İndoneziyada vulkan püskürməsi: 1558 reys ləğv edildi

İndoneziyada Anak Krakatau vulkanının püskürməsi aviasiya nəqliyyatında ciddi çətinliklərə səbəb olub. Vulkanik külün ölkənin müxtəlif bölgələrinə yayılması nəticəsində 1558 yerli və beynəlxalq reys ləğv edilib. Minval.info xəbər verir ki, kül Java bölgəsində 6 min metrə, Sumatra bölgəsində isə 15 min metrə qədər yüksəlib. Bu səbəbdən səkkiz hava limanında 170 mindən çox sərnişin uçuşların dayandırılması səbəbindən qalıb. Nəqliyyat naziri Dudi Purvaqandinin bildirdiyinə görə, vulkanik külün Qərbi Yava istiqamətində yayıldığı müəyyən edildikdən sonra bəzi hava limanlarının fəaliyyəti müvəqqəti dayandırılıb.