IMF-dən kritik xəbərdarlıq: dünya iqtisadiyyatını təhdid edən üç amil

Beynəlxalq Valyuta Fondunun (IMF) rəhbəri Kristalina Georgieva, Taylandda keçiriləcək IMF-Dünya Bankı İllik Toplantıları öncəsi Sinqapurda çıxış edib. Georgieva çıxışında qlobal iqtisadiyyatı çətinləşdirən üç əsas amilə diqqət çəkib: süni zəkanın yaratdığı tarazsızlıqlar, yüksək enerji qiymətləri və rekord səviyyədəki dövlət borcları.

Minval.info xəbər verir ki, Georgieva, qlobal iqtisadiyyatın süni zəka, enerji qiymətləri və dövlət borcları ilə böyük bir qeyri-müəyyənlik və sürətli dəyişiklik dövründən keçdiyini bildirib. O, aşağı böyümə nisbətlərini artırmaq üçün təcili siyasət addımlarının atılmasını tələb edib.

IMF rəhbəri, qlobal dövlət borclarının ümumi daxili məhsulun (ÜDM) 100 faizini aşacağını və hökumətlərin təcili büdcə intizamı tədbirlərini həyata keçirmələrini və süni zəka üçün hazırlıq görmələrini istəyib. O, Orta Şərqdəki münaqişələrdən doğan enerji təchizatı şokunun və süni zəkanın yaratdığı tələbin şokunun qlobal miqyasda qeyri-bərabər şəkildə yayıldığını vurğulayıb.

ƏLAQƏLİ

Bunu da oxu

Qızıl ucuzlaşır: Son qiymətlər necədir

07.10.2026 - 14:09

Georgieva, süni zəkanın bir çox ölkəni kənar keçdiyini və bu vəziyyətin qlobal iqtisadi bərabərsizliyi dərinləşdirdiyini qeyd edib. O, süni zəka sahəsindəki investisiyaların ÜDM-dəki payının artacağını və bunun dünya iqtisadiyyatına ASEAN (Cənub-Şərqi Asiya Uluslar Birliyi) ölçüsündə əlavə bir iqtisadiyyat qatacağını bildirib.

Georgieva, həmçinin, süni zəkanın gətirdiyi imkanlarla yanaşı, kütləvi iş itkisi və kiber risklər yaratdığını, hökumətlərin bu riskləri idarə etmək üçün sürətli struktur islahatlarını həyata keçirməli olduğunu vurğulayıb.