Hiroşimada tapılan sirli metal: Elm dünyası çaşqınlıq içində

1945-ci ildə Hiroşimada baş verən atom partlayışından sonra elm dünyasına məlum olmayan yeni bir metal ərintisi ortaya çıxıb.

Minval.info xəbər verir ki, alimlər Xorasima körfəzinin sahil qumlarından götürdükləri mikroskopik şüşə parçalarında bu yeni metal ərintisini tapıblar.

Araşdırmaçılar bu ərintinin, nüvə partlayışının yaratdığı odlu kürənin içində, 7 min dərəcədən yüksək temperaturda formalaşdığını düşünürlər. Partlayışdan sonra maddələrin sürətlə soyuması nəticəsində bu yeni quruluşun meydana gəldiyi ehtimal olunur.

ƏLAQƏLİ

Bunu da oxu

İspaniyada güclü yağışlar ölümlə nəticələndi, dərslər təxirə salındı

19.10.2026 - 15:44

Alimlərin araşdırmalarına görə, ərinti dəmir, xrom, nikel, manqan, molibden, silisium və alüminium elementlərindən ibarətdir. Bu elementlər paslanmayan poladın tərkibində də mövcuddur, lakin yeni tapılan ərintinin daxili quruluşu daha əvvəl məlum olan heç bir maddəyə uyğun gəlmir.

Mütəxəssislər bu kəşfin, nüvə partlayışlarının normal şəraitdə Yer üzündə yaranması mümkün olmayan yeni maddələr formalaşdıra biləcəyini göstərdiyini bildirirlər.