Heyvan kəsimi yerlərində olan qida təhlükəsizliyinə nəzarət məntəqələrinin diaqnostikası aparılacaq

Azərbaycanda heyvan kəsimi yerlərində olan qida təhlükəsizliyinə nəzarət məntəqələrinin diaqnostikası aparılacaq.

“Report” xəbər verir ki, bu, “Azərbaycan Respublikasında qida təhlükəsizliyinin təmin edilməsinə dair 2019–2025-ci illər üçün Dövlət Proqramı”nda əksini tapıb.

Sənədə əsasən Qida təhlükəsizliyi Agentliyi 2023-cü ilə qədər heyvan kəsimi məntəqələri və ticarət obyektlərində (bazarlarda, yarmarkalarda və s.) mövcud olan qida təhlükəsizliyinə nəzarət məntəqələrinin diaqnostikasını aparacaq, onların optimallaşdırılması və modernləşdirilməsi istiqamətində addımlar atacaq.