Hərbi xidmətə çağırışda kimlər Tibbi müayinədən keçəcək? – Əsas kateqoriyalar və prosedurlar

Müddətli həqiqi hərbi xidmətə çağırış zamanı müəyyən kateqoriyalara aid olan vətəndaşlar yekun tibbi müayinədən keçəcək.

Minval.info xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb. Nazirlik bildirir ki, tibbi şəhadətləndirmə zamanı “B” kateqoriyası üzrə sıradankənar həqiqi hərbi xidmətə yararlılıq, “Ç” kateqoriyası üzrə sağlamlıq vəziyyətinə görə müvəqqəti yararsızlıq, “C” kateqoriyası üzrə dinc dövrdə yararsızlıq və müharibə dövründə məhdud yararlılıq, “D” kateqoriyası üzrə isə həm dinc, həm də müharibə dövründə yararsızlıq rəy verilmiş çağırışçılar yekun tibbi müayinəyə cəlb edilirlər.

Bu müayinələr Əmək və Əhalinin Sosial Müdafiəsi Nazirliyinin tabeliyindəki Dövlət Tibbi Sığorta və Ekspertiza Agentliyinin Tibbi Qiymətləndirmə Mərkəzində aparılır. Mərkəz, ən müasir tibbi avadanlıqlarla təchiz edilmişdir və burada Mərkəzi Hərbi-Həkim Komissiyası tərəfindən Nazirliyin “Tibbi şəhadətləndirmə” altsisteminə daxil edilən göndəriş əsasında elektron növbəlilik qaydasında müayinə həyata keçirilir.

ƏLAQƏLİ

Bunu da oxu

Şəhid ailələrinə 20 min manat müavinət veriləcək

06.10.2026 - 16:20

Tibbi Qiymətləndirmə Mərkəzində çağırışçılar qanın ümumi və biokimyəvi analizi, oftalmoloji, audiometriya, spirometriya, ultrasəs müayinələri, elektroensefaloqrafiya, exokardioqrafiya, elektromioqrafiya, rentgen, qastroskopiya və stomatoloji müayinələrdən keçirlər.