Gülxanım və Fatimə üçün bürünc medal şansı

Bakıda güləş üzrə U17 dünya çempionatı qızğın mübarizələrlə davam edir. İdmançılarımızın medallar uğrunda mübarizəsi izləyiciləri heyran qoyur!

Minval.info xəbər verir ki, Milli Gimnastika Arenasında keçirilən mundialın 4-cü günündə qadın güləşi üzrə komandamızın 5 üzvü xalçaya çıxıb. Gülxanım Şirinova (40 kq) mübarizəyə 1/4 finaldan qoşulub. Təmsilçimiz tunisli Tasmin Athimniyə “tuş”la məğlub olub. Rəqibi finala yüksəldiyi üçün Gülxanım sabah təsəlliverici görüşə çıxacaq.

Növbəti idmançımız Nuray Cəfərli (46 kq) də yarışa 1/4 finaldan start verib. Həmyerlimiz macarıstanlı Vivyen Sentpalla qarşılaşmasında böyük hesabla öndə olsa da, üstünlüyünü sonadək qoruya bilmədi – 8:10.

Qarabağ konfrans liqasında mübarizəni davam etdirəcək

ƏLAQƏLİ

Bunu da oxu

Qarabağ konfrans liqasında mübarizəni davam etdirəcək

31.07.2026 - 01:00

Fatimə Bayramova (53 kq) israilli Sela Rozovla moldovalı Ruslana Karapetianta qarşısında 11:0 hesabıyla qalib gəlsə də, 1/4 finalda amerikalı Marli Solomona “tuş”la uduzdu. Rəqibi finala yüksəldiyi üçün Fatimə də sabah təsəlliverici görüşdə iştirak edəcək.

Digər idmançılarımızdan Fidan Babayeva (61 kq) 1/8 finalda qazaxıstanlı Arujan Bakitnura (2:11), Simurə Abdullayeva (69 kq) isə eyni mərhələdə qırğızıstanlı Milana Ulanovaya (6:10) məğlub oldular. İdmançıların mübarizəsi həyəcanla izlənilir!

Minval.info