Görkəmli şairimiz 82 yaşında...

Bu gün Azərbaycanın görkəmli şairi Musa Yaqubun doğum günüdür.

Kult.az xatırladır ki, Musa Yaqub 1937-ci il mayın 10-da İsmayıllı rayonunun Buynuz kəndində anadan olub. Göyçay pedaqoji məktəbini bitirdikdən sonra Tircan kənd orta məktəbində müəllim (1957-1958), Buynuz kənd ibtidai məktəbində müəllim və müdir (1958-1967) kimi fəaliyyət göstərib.

ƏLAQƏLİ

Bunu da oxu

XII Bakı Beynəlxalq Kitab Sərgisində oxucuları nələr gözləyir?

19.10.2026 - 14:43

O, 1967-1973-cü illərdə ADU-nun filologiya fakültəsində qiyabi təhsil alıb. Həmin illərdə Buynuz kənd 8 illik məktəbinin müdiri olub. Bakıya köçəndən sonra Azərbaycan Yazıçılar İttifaqında bədii ədəbiyyatı təbliğ bürosunda direktor müavini, “Azərbaycan” jurnalında poeziya şöbəsinin müdiri, İsmayıllı rayonunda çıxan “Zəhmətkeş” qəzetinin redaktoru vəzifəsində çalışıb.

Azərbaycan KP İsmayıllı rayon komitəsinin büro üzvü, rayon xalq deputatları Sovet ticarət və məişət xidməti daimi komissiyasının sədri olub, 1979-cu ildə İsmayıllı rayon Xalq Deputatları Sovetinin deputatı seçilib.

Ədəbi fəaliyyətə 1957-ci ildə “Azərbaycan” qəzetində çap olunan “İki qəlb, iki dünya” poeması ilə başlayıb.

ƏLAQƏLİ

Bunu da oxu

Qarabağda mina təmizləyənlərin hekayəsi festivallarda mübarizə aparır

05.10.2026 - 15:59

M.Yaqub “Yarpaqlar oxuyur”, “Bu məhəbbət yaşadır məni”, “Mənim kainatım” şeir kitablarının və “Üzü bəri baxan dağlar”, “Yaxşı ki, sən varsan”, “Bir sim üstə”, “İki qəlbin işığı”, “Ürəyimdə yerin qaldı” və s. şeir və poemalar kitablarının müəllifidir.

O, M.F.Axundov və İmadəddin Nəsimi adına mükafatlara layiq görülüb.

82 yaşlı şair bir neçə ildir, parkinson xəstəliyindən əziyyət çəkir.

ƏLAQƏLİ

Bunu da oxu

Əməkdar artist Gülüstan Əliyeva illər sonra yenidən "Leyli" rolunda

05.10.2026 - 13:53

Allah şəfa versin!