Goranboyda partlayış sonrası təhlükəsizlik bərpa edildi

Goranboy rayonunda baş verən partlayışlar nəticəsində təxliyə edilən sakinlər artıq evlərinə qaytarılıblar. Hadisə ilə əlaqədar Goranboy Rayon İcra Hakimiyyəti tərəfindən xüsusi komissiya yaradılıb və ərazidə təhlükəsizlik tam təmin edilib.

Minval.info xəbər verir ki, Goranboy Rayon İcra Hakimiyyəti başçısının müavini Mirvari Ağamalıyeva bildirib ki, komissiya ərazidə araşdırma aparıb və hazırda vəziyyət stabildir. Xatırladaq ki, sentyabrın 1-də gecə saatlarında Goranboy rayonunda anbarda baş verən partlayış səbəbindən ətraf ərazilərdəki sakinlər təxliyə edilmişdilər.