Gömrükdə milli valyuta ilə bəyan dövrü başladı

Ölkəyə gətirilən malların gömrük dəyəri artıq Azərbaycanın milli valyutası ilə bəyan ediləcək. Gömrük Məcəlləsinə edilən bu dəyişiklik sentyabrın 3-dən etibarən qüvvəyə minib. Bu yeniliyin əsas məqsədi, sərhəddən keçən malların milli valyuta ilə ifadə edilməsini təmin etməkdir.

Minval.info xəbər verir ki, iqtisadçı Xalid Kərimli bu dəyişikliyin idxalçılara əlavə gömrük rüsumu və ya xərc gətirmədiyini bildirib. O, qeyd edib ki, bu qərar sadəcə təqdimat, hesablama və statistikada rahatlıq yaradır və qarışıqlığın qarşısını alır. İdxal qiymətlərində heç bir dəyişiklik olmayacaq və gömrük yoxlamalarında çətinlik yaranmayacaq. Vətəndaşların narahatlığına heç bir əsas yoxdur.