Gömrük postlarında 894 TIR növbə gözləyir

Avqustun 21-də Azərbaycanın dövlət sərhədində yerləşən gömrük-keçid məntəqələrində gözləyən yük nəqliyyat vasitələrinin sayı məlum olub. Minval.info xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.

Rusiya ilə sərhəddə yerləşən “Xanoba” gömrük postunda 1, “Samur” gömrük postunda isə 134 yük nəqliyyat vasitəsi növbədədir. Gürcüstanla sərhəddə “Mazımqara” gömrük postunda 7, “Qırmızı Körpü” gömrük postunda isə 700 yük nəqliyyat vasitəsi gözləyir. İran İslam Respublikası ilə sərhəddə “Biləsuvar” gömrük postunda növbə qeydə alınmayıb, “Astara” gömrük postunda isə 52 yük nəqliyyat vasitəsi növbədədir.