Flydubai təyyarəsində kopilot kapitanı balta ilə hücuma məruz qoyub

Flydubai hava yollarına məxsus təyyarənin İsrailə uçuşu zamanı kopilot pilotu balta ilə hücuma məruz qoyub. Birləşmiş Ərəb Əmirliklərinin baş prokuroru bu barədə məlumat verib. Hadisə nəticəsində təyyarə 17,000 futdan (təxminən 5,200 metr) çox aşağı düşüb. Lakin sərnişinlər və ekipaj üzvləri hücumçunu zərərsizləşdirərək təyyarəni təhlükəsiz şəkildə endiriblər.

Minval.info xəbər verir ki, kapitan Smit Maççar hücum nəticəsində yaralanıb və yaxınlıqdakı xəstəxanaya aparılıb. Daha sonra isə Abu Dabiyə təxliyə edilib və hazırda vəziyyəti stabildir. Hücumda istifadə olunan balta adətən kokpitdə təcili vəziyyətlərdə istifadə üçün saxlanılır.

BƏƏ baş prokuroru dövlət mediasına bildirib ki, hadisənin tam şəraitini və motivlərini müəyyən etmək üçün araşdırmalar davam edir. İsrailin Baş Naziri Benyamin Netanyahu isə hücumçunun Oman vətəndaşı olduğunu və təyyarə heyətinə “Məni öldürün” deyə səsləndiyini bildirib.

ƏLAQƏLİ

Bunu da oxu

Bakıda bağlı qapı arxasında qalan 2 nəfər xilas edildi, 1 meyit tapıldı

03.10.2026 - 12:44

Netanyahu Fox News-a açıqlamasında hücumçunun intihar niyyətində olduğunu və təyyarəni qəsdən yerə endirməyə çalışdığını qeyd edib. O, həmçinin hücumçunun “islamçı radikal təbliğata məruz qaldığını” əlavə edib. BƏƏ dövlət xəbər agentliyinə görə, hadisənin terror aktı ilə əlaqəsinin olub-olmaması araşdırılır.

Hindistanın BƏƏ-dəki səfirliyi isə kapitan Maççarın “yaxşı vəziyyətdə olduğunu və yaxşılaşdığını” bildirib. Pilot, “Sağlamlığıma qovuşacağıma inanıram” deyə açıqlama verib.