Firuzə İbadova təcili əməliyyat olundu

Əməkdar artist Firuzə İbadova təcili əməliyyat olunub. Onun qızı Hülya Qasımova anasının əməliyyatının ötən gün özəl xəstəxanaların birində həyata keçirildiyini bildirib. Hülya Qasımova anasının nədən əməliyyat olunduğunu açıqlamaq istəməyib, lakin onun ciddi sağlamlıq problemləri olduğunu qeyd edib. “Yoxlanmaq üçün həkimə getmişdik, yoxladılar və dedilər ki, təcili əməliyyat olunmalıdır. Dünən əməliyyat keçirildi. İndi, şükür Allaha, yavaş-yavaş düzəlir”, – deyə Hülya Qasımova bildirib.