Fermerlərə subsidiya dəstəyi artırıldı: Yeni imkanlar!

Aqrar Subsidiya Şurasının son qərarları kənd təsərrüfatı sahəsində fəaliyyət göstərən fermerlər üçün dövlət dəstəyi imkanlarını genişləndirə bilər. Bu qərarlar çərçivəsində intensiv zeytun bağları üzrə minimum sahə tələbi 50 hektardan 5 hektara endirilmişdir ki, bu da xüsusilə orta ölçülü fermer təsərrüfatları üçün əhəmiyyətli bir dəyişiklikdir.

Minval.info xəbər verir ki, Aqrar Subsidiya Şurasının İdarə Heyətinin sədri Vüqar Oruc, bu dəyişikliklərin təsərrüfatların subsidiya imkanlarından daha geniş istifadə etməsinə şərait yaradacağını bildirib. O, həmçinin pambıq üzrə subsidiya məbləğinin suvarma texnologiyasına görə fərqləndirilməsini müsbət qiymətləndirib. Damcı suvarmaya daha yüksək subsidiya verilməsi, suya qənaət edən texnologiyaların tətbiqini sürətləndirə bilər.

Vüqar Oruc, bağçılıqda bəzi analiz tələblərinin ləğv edilməsinin fermerlərin maliyyə və bürokratik yükünü azaldacağını, sertifikatlı ting tələbinin saxlanılmasının isə keyfiyyətə nəzarət baxımından vacib olduğunu qeyd edib. O, subsidiya mexanizminin genişləndirilməsinin kənd təsərrüfatı torpaqlarına marağı artıracağını vurğulayıb. Xüsusilə su təminatı və əlverişli iqlim şəraiti olan ərazilərdə torpaq tələbinin yüksəlməsi mümkündür.

ƏLAQƏLİ

Bunu da oxu

Uqandalı qadın xəyanət edən kişiləri cəzalandırır

07.09.2026 - 20:51

Subsidiya siyasətinin əsas məqsədi fermerlərə yalnız maliyyə dəstəyi vermək deyil, onları daha məhsuldar və səmərəli istehsala yönəltməkdir. Son qərarlar bu istiqamətdə müsbət yanaşmanın olduğunu göstərir.