Evinə çağırdığı ustaya ərə getdi, indi küçələrdə qalır - Sumqayıtda şok olay - VİDEO

Minval.İnfo xəbər verir ki, Sumqayıt şəhər sakini Xoşgül İzzət qızı Allahverdiyeva femida.az -a müraciətində həyat yoldaşı tərəfindən evinin satıldığını və hazırda küçələrdə yaşadığını bildirib. Onun sözlərinə görə, 2014-cü ildə ailə həyatı qurduğu Allahverdiyev Zaur Mənsim oğlu ona məxsus evi satdıqdan sonra arvadını küçələrdə qoyaraq Rusiya Federasiyasına gedib. Evlilikdən əvvəl 23 min dolları geri ala bilmədiyi üçün xanım məhkəməyə müraciət edib.Sumqayıt Şəhər Məhkəməsinin 2014-cü ildə çıxardığı qərar bu günə kimi qarşı tərəfdən icra olunmayıb.

Bu günlərdə məlum olub ki, ərinin ona verdiyi torpaq sənədləri də saxtadır.

“Mənə məxsus evi satdıqdan sonra torpaq aldığını dedi. Mənim oxumağğı bacarmadığımı bilirdi. Bundan istifad edib, saxta sənədi mənə təqdim edib. Həmin sənəd tam başqa adamın adınadır. Həmin sənədi götürüb Sumqayıt Şəhər 4-cü Polis bölməsinə getdim. Orada polislər mənə dedi ki, bu sənəd saxtadır. Amma cinayət işi hələ başlanmayıb. Mənim də vəkil tutmağa imkanım yoxdur. Heç kimim də yoxdur. Xahiş edirəm, hüquqlarımın müdafiə edilməsində mənə kömək edin”, deyə əri tərəfindən küçələrə atılan qadın bildirib.

Əri tərəfindən evi satılaraq küçələrə atılan qadının acınacaqlı həyat yolu barədə reportajı təqdim edirik: