Ermənistanda əsgər yoldaşını güllələyərək öldürdü

Ermənistan Silahlı Qüvvələrinin hərbi hissələrindən birində baş verən silahlı insident nəticəsində bir hərbi qulluqçu həyatını itirib. Hadisə hərbi qulluqçular arasında yaranan mübahisə zamanı baş verib. Münaqişə zamanı çağırışçılardan biri özünə təhkim olunmuş silahdan istifadə edərək xidmət yoldaşına atəş açıb. Nəticədə, hərbi qulluqçu aldığı güllə yarasından vəfat edib.

Minval.info xəbər verir ki, Ermənistan Müdafiə Nazirliyi hadisə ilə bağlı hələlik rəsmi açıqlama verməyib. Qeyd edək ki, 2026-cı ilin əvvəlindən etibarən Ermənistan Silahlı Qüvvələrində 10-dan çox hərbi qulluqçunun ölüm faktı qeydə alınıb. Bu ölümlərin beşi müddətli həqiqi hərbi xidmətdə olan hərbi qulluqçular arasında baş verib.