Ermənistana Azərbaycandan tranzitlə buğda və propan ixracı

Rusiyadan Ermənistana Azərbaycandan tranzit keçməklə yeni bir tədarük həyata keçirilib. Bu dəfə 9 vaqon buğda və 1 vaqon propan Biləcəri stansiyasından yola salınıb. Buğdanın ümumi çəkisi 630 ton, propanın isə 36 ton təşkil edir.

Minval.info xəbər verir ki, indiyədək Rusiyadan Ermənistana Azərbaycandan tranzit keçməklə 49 min tondan çox taxıl, 9 min tona yaxın gübrə, 1136 ton propan, 133 ton alüminium, 1114 ton kömür və 67 ton taxta göndərilib. Eyni zamanda, Azərbaycandan Ermənistana 15 min tona yaxın dizel, 5 min tona yaxın Aİ-92 və Aİ-95 benzini ixrac olunub.