Ermənistan ordusunda ölüm hallarının artması narahatlıq doğurur

Ermənistan Silahlı Qüvvələrinin bir hərbi hissəsində baş verən hadisə nəticəsində bir hərbi qulluqçu həyatını itirib. Hadisə zamanı hərbi qulluqçular arasında yaranan mübahisə silahlı qarşıdurmaya çevrilib və nəticədə bir əsgər ölüb.

Minval.info xəbər verir ki, 2026-cı ilin əvvəlindən etibarən Ermənistan ordusunda 10-dan çox hərbi qulluqçunun ölüm faktı qeydə alınıb. Bu ölümlərin beşi müddətli həqiqi hərbi xidmətdə olan əsgərlərdir.

Hərbi ekspert İbrahim Rüstəmli bildirib ki, Ermənistan ordusunda ölüm hallarının artması ölkədəki mənəvi-psixoloji problemlərlə əlaqədardır. Ekspertin fikrincə, Ermənistan cəmiyyətindəki psixoloji problemlər, xüsusilə 44 günlük müharibədən sonra daha da dərinləşib. Bu problemlər Ermənistan ordusunda neqativ hadisələrin artmasına səbəb olur.