Erməni qarmonçunun Azərbaycan mahnılarına maraqlı yanaşması

Erməni qarmonçu Qaqik Stepanyan, Azərbaycan milli musiqilərini ifa edərək sosial şəbəkələrdə geniş tanınıb. Əslən Gürcüstanın Axalkalaki vilayətindən olan Stepanyan, ifalarında Qafqaz xalq musiqilərinin ritmlərini və virtuoz barmaq texnikasını ön plana çıxarır.

Minval.info xəbər verir ki, musiqiçi “Qadan mən alım”, “Sarı gəlin”, “Sən gəlməz oldun”, “Təki sən səslə məni” kimi Azərbaycan xalq mahnılarını ifa edir. Onun bu ifaları həm tənqid, həm də təriflərlə qarşılanır. İzləyicilərindən bəziləri Stepanyanın Azərbaycanın məşhur qarmon ustası Aftandil İsrafilovun tələbəsi olduğunu iddia edirlər.

Xatırladaq ki, Qaqik Stepanyan “Bəs nə deyirəm”, “Niyə yox deyirsən”, “Güman yeri var”, “Ay bəri bax” kimi Azərbaycan kompozisiyalarını qarışıq üslubda ifa edərək, onları “YouTube” səhifəsində yerləşdirib. 2025-ci ildə Əqli Mülkiyyət Agentliyi bu barədə məlumat verib və Rəqəmsal və Audiovizual Yayım Sənayesi (RAYS) texniki dəstək alaraq, Stepanyanın kompozisiyalarını “YouTube” səhifəsindən sildirib.