Ərdoğan: Türkiyə Yunanıstanın düşməni deyil, NATO çərçivəsində müttəfiqidir
Türkiyə Prezidenti Rəcəb Tayyib Ərdoğan Ankara ilə Afina arasındakı münasibətlərin iki ölkənin daxili siyasi proseslərinə alət edilməməli olduğunu bildirib.
Minval.İnfo xəbər erir ki, Ərdoğan bunu BMT Baş Assambleyasının 81-ci sessiyası çərçivəsində Nyu-Yorkda jurnalistlərlə görüşü zamanı deyib.
Türkiyə lideri qeyd edib ki, Ankara Yunanıstanda keçirilən seçkilər və ya ölkədə hökumət və müxalifətin dəyişməsi kimi daxili siyasi proseslərlə maraqlanmır.
“Yunanıstanda seçki keçirilə, hökumət dəyişə, müxalifət dəyişə bilər. Bunlar bizim məsələmiz deyil”, – Ərdoğan vurğulayıb.
O bildirib ki, Türkiyə üçün əsas prioritet ölkənin hüquq və təhlükəsizliyinin qorunması, eləcə də Egey və Şərqi Aralıq dənizində sülh və sabitliyin təmin edilməsidir.
Ərdoğan iki ölkə arasındakı münasibətlərə də toxunaraq Türkiyənin Yunanıstanı düşmən deyil, qonşu və NATO çərçivəsində müttəfiq hesab etdiyini deyib.
“Türkiyə Yunanıstanın düşməni deyil, qonşusudur, NATO çətiri altında müttəfiqidir. İki ölkə arasındakı münasibətlər seçki materialına çevrilməyəcək qədər həssas və mühümdür”, – deyə Türkiyə Prezidenti bildirib.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Kreml: 300 min nəfər səfərbər edilməyəcək
Venesuela qızılını Londondan Nyu-Yorka köçürür!
Kral Çarlz texnologiya nəhəngləri ilə gizli görüşdü
Paşinyan rus bazasını çıxarmaq istəyir: İrəvanda gərginlik
Paşinyanın maaşı 80% artdı!
Fermerlərə dəstək: Bürokratiya əngəllərinə son!
Ermənistanda TRİPP layihəsi geniş müzakirə edildi
