Elxan Mütəllimov DOST Agentliyində yeni vəzifədə

Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dayanıqlı və Operativ Sosial Təminat Agentliyində (DOST) yeni təyinat həyata keçirilib. Elxan Elman oğlu Mütəllimov, Agentliyin Satınalmalar və təminat departamentinin müdiri vəzifəsinə təyin edilib.

Minval.info xəbər verir ki, Elxan Mütəllimov Azərbaycan Memarlıq və İnşaat Universitetində “Menecment” ixtisası üzrə bakalavr, Azərbaycan Kooperasiya Universitetində isə “Maliyyə bazarları” ixtisası üzrə magistr təhsili alıb. O, əmək fəaliyyətinə 2015-ci ildə bank sektorunda başlayıb və 2018–2022-ci illərdə özəl sektorda çalışıb. 2022–2023-cü illərdə DOST Agentliyində, 2023–2026-cı illərdə isə Sosial Xidmətlər Agentliyində fəaliyyət göstərib.