Elvin Cəfərquliyev uğurlu əməliyyat keçirdi

Azərbaycan millisinin və “Qarabağ” futbol klubunun müdafiəçisi Elvin Cəfərquliyev uğurlu əməliyyat keçirib. UEFA Konfrans Liqasının III təsnifat mərhələsində “Dinamo” (Kiyev, Ukrayna) komandasına qarşı keçirilən cavab oyununda zədələnən futbolçunun əməliyyatı müvəffəqiyyətlə tamamlanıb.

Minval.info xəbər verir ki, avqustun 13-də baş tutan qarşılaşmada Elvin Cəfərquliyevin sol budunun arxa əzələ qrupuna (hamstring) daxil olan yarımvətərli əzələsinin distal vətərində zədələnmə aşkarlanmışdı. Futbolçunun müalicə və bərpa prosesi “Qarabağ” klubunun tibbi heyətinin nəzarəti altında davam etdiriləcək.